Gugger-Gugge

Uns muesch ghört ha, das chasch mer glaube! 

Mir sin e glatte Huffe, wo an dr Ettiger Fasnacht gern zämme Gugge-Muusig mache und drbi luege, dass s gsellschaftliche nit z churz chunt. Au unterem Joor treffe mer uns immer wieder, sigs für e Geburtstags- oder Hochzytsständeli oder an eim vo unserne gmeinsame Aläss.

Wenn au du gern mit uns willsch Fasnacht mache, denn chum am beste an einere vo unserne Schnupperprobe cho verbi luege.

Alles Aktuelle findsch du uf unserer Facebook Site.

Willsch au du drzue ghöre aber nit selber e Instrument spiele, denn meld di doch als Passivmitglied oder als Gönner a.

Für Ständeli Aafroge meldsch di am beste bi unserer Präsidentin oder bi eim vo de Aktivmitglieder.